Երկարացված ուսումնական օրվա ճամբարը (այսուհետ՝ ծառայություն) որոշված է կրթահամալիրի, դպրոցի կանոնադրությամբ, կրթական ծրագրի ուսումնական պլանով, սովորողի ուսումնառության պայմանագրի հավելվածով։ Ծառայությունը կազմակերպվում է որպես տարատարիք սովորողների ճամբար, համապատասխան նյութական միջավայրում՝ ուսումնական աշխատանքի, սովորողի ընտրած գործունեությունների, սննդի և հանգստի համար նախատեսված պայմաններով։
Երկարացված ուսումնական օրվա խմբի սովորողների թիվը 20-25 է: Ծառայությունը վճարովի է․մատուցած ծառայության չափը որոշվում է պայմանագրով և կառավարման խորհրդի նիստի հաստատած չափով։
Ծառայությունը հնարավորություն է տալիս իրականացնելու սովորողի լրացուցիչ կրթությունը, կրթահամալիրի նյութատեխնիկական բազան օգտագործելու սովորողների նախասիրությունների զարգացման համար։
Երկարացված ուսումնական օրը կազմակերպում է կրթահամալիրի մանկավարժական աշխատողը (այսուհետ՝ կազմակերպիչ), նախօրոք հրապարակված ծրագրով և աշխատակարգով։ Նա խմբի համար կազմում և հաստատմանն է ներկայացնում շաբաթվա օրացույցը, որը ներառում է նաև սովորողների լրացուցիչ կրթությունը։ Նա վարում է իր ուսումնական բլոգը, որտեղ ներկայացնում է ճամբարականների ընտրած գործունեություները, նրանց հետ իրականացվող ուսումնական նախագծերը, դրանց արդյունքները, խմբի գործունեությունը լուսաբանում նաև դպրոցի ենթակայքում։
Յուրաքանչյուր սովորողի համար կազմված անհատական օրացույցի համաձայն՝ նա կազմակերպում է նաև սովորողի լրացուցիչ կրթությունը․ օրացույցը հրապարակվում է յուրաքանչյուր ուսումնական շրջանի համար:
Երկարացված օրվա կազմակերպիչը սահմանված կարգով ներկայացնում է հաշվետվություն։
Սովորողի անհատական աշխատակարգում ինքնակրթության համար կարող է նախատասվել մինչև 45 րոպե։ Երկարացված օրվա կազմակերպիչն պատասխանատու է իր խմբի քանակի, սովորողների ամենօրյա հաճախումների գրանցման համար։ Երկարացված օրվա կազմակերպիչն է ուղեկցում սովորողների խումբը դեպի տրասնպորտային կայան։ Երկարացված օրվա սովորողների մասին ճամբարի կազմակերպիչը օրինական ներկայացուցչին տեղեկություններ փոխանցում է էլեկտրոնային հասցեով։
Սովորողի օրինական ներկայացուցիչը երեխայի առանձնահտկությունների՝ ալերգիաների, հիվանդությունների, տրանսպորտով հետադարձ հասցեի փոփոխության, երեխայի հետադարձը այլ՝ դպրոցի համակազմին անծանոթ, անձի միջոցով՝ դպրոցից տուն կազմակերպելու մասին պարտավոր է նախապես գրավոր տեղեկացնել։
Միջավայր
- Կրթահամալիրի մասնաճյուղ դպրոցների ուսումնական կաբինետներ, դպրոցի բակ, մարզասրահ, ջերմոց, տեխնոլոգիայի, երաժշտության սրահներ, բրուտանոց, ուսումնական Ագարակ, կրթահամալիրի ուսումնական կենտրոններ՝ ըստ նախապես հրապարակված օրացույցի։
- Տարածք, որտեղ սովորողներն կարող են կազմակերպել բակային խաղեր, լինել մաքուր օդում։
- Բակեր, թանգարաններ, քաղաքային պուրակներ, այլ։
Բովանդակություն
- Համագործակցային (խմբային) աշխատանք
- Սովորողի ընտրած գործունեություններ
- Ուրբաթ համերգներ, այլ՝ օրացույցով որոշված համերգներ, ստուգատեսներ
- Պար, նկարչություն, մարմնակրթություն
- Շրջակա միջավայրի խնամք
- Երևակայական մտածողությունը զարգացնող խաղեր, բակային խաղեր
- Այլ՝ ճամբարականների առաջարկով ձևավորված գործունեություններ։
Նարե Միրզոյան 