Հարավային դպրոցի 2.3 դասարանի սեբաստացիները Սեբաստացու օրերը ամփոփեցին՝ մասնակցելով ցուցահանդես-վաճառքին: Ցուցահանդես-վաճառքին ներկայացրել էինք մեր պատրաստած Աշնանային համեղ թթուն, Հոլերը, Ջերմոց-լաբորատորիայից բերված ծաղիկները, թեյերի տեսականին, սովորողների ձեռքով պատրաստված շոկոլադները, տատիկի պատրաստած էկլերները, մուրաբաները, ամեն ինչում ներդրած մեր սերն ու հոգատարությունը: Վաճառքն իրականացրել են հենց սովորողները, ինքնուրույն գումար վաստակել և դրանով իրենց փոքրիկ ներդրումն ունեցել հանգանակության ժամանակ։ Արդյունքում հավաքված գումարը կփոխանցվի Սեբաստացիներ կրթական հիմնադրամին՝ դպրոցի բարեկարգման աշխատանքների իրականացման համար:
Category: Սեբաստացու օրեր
Իմ Սեբաստացի անկյունը
Ստորև ներկայացվում են Հարավային դպրոց-պարտեզի 2.3 և 4.3 դասարանների սովորողների աշխատանքները Paint ծրագրով.
Գրիգոր Խաչատրյան 2.3
Շուշան Մկրտչյան 4.3
Սեբաստացու օրեր
Այսօր սովորողների հետ միասին զրուցեցինք Մխիթար Սեբաստացի կրթահամալիրի մասին, խոսեցինք Մխիթար Սեբաստացիի մասին, ում անունով կոչվել է կրթահամալիրը, դիտեցինք կարճամետրաժ ֆիլմ մեծն ուսուցչի կյանքի, գործունեության մասին։
Թթուդրիկի ծեսը Հարավի 5 տարեկաններում
Սեբաստացիների տոնին ընդառաջ Հարավի 5 տարեկանների սաներն իրականացրին Թթուդրիկի ծեսը: Նախքան ծեսի իրականացումը, սովորողները հորինեցին փոքրիկ պատմություններ թթվի բաղադրիչների մասին, դրանցից մարդուկներ պատրաստեցին։
Տեսանյութը Սուսաննա Ալոյանի բլոգից`
«Սեբաստացու օրեր» նախագիծ. կրթահամալիրի տոն
Մասնակիցներ՝ Հարավային դպրոց-պարտեզի 2.3 և 4.3 դասարանների սովորողներ
Ժամանակահատվածը՝ նոյեմբերի 1-30
«Սեբաստացու օրեր». կրթահամալիրի տոնը նախատեսված է կրթահամալիրի ուսումնական օրացույցով:
Նախագծի նպատակը և խնդիրները՝
- ստեղծագործական-վերլուծական մտածողության զարգացում:
- ուսումնական նյութերի ստեղծում, հրապարակում բլոգում։
- տոնին պատրաստվելու կարողություն։
- հարցազրույցներ վարելու հմտությունների ձևավորում և կիրառում:
- ռադիոթողարկման պատրաստում։
- բանավոր խոսքի զարգացում:
- ինքնուրույնության, ինքնարտահայտման հմտություննների և կարողությունների ձևավորում։
- մեդիահմտությունների զարգացում։
Շարունակել կարդալ “«Սեբաստացու օրեր» նախագիծ. կրթահամալիրի տոն”
Ընկույզի կեղևներից պատրաստում ենք հոլ
Անցկացման վայրը` Հարավային դպրոց- պարտեզ
Մասնակիցներ` 2.3 և 4.3 դասարանների սովորողներ
Անցկացման ժամկետը` նոյեմբեր
Նախագծի ընթացքն ու նկարագիրը Նախագծի ընթացքում նախատեսում ենք ընկույզի կեղևներից պատրաստել ինքնաշեն հոլեր, որոնցով էլ մոտ ապագայում` Ամանորին ընդառաջ, կմասնակցենք ցուցահանդես-վաճառքին։ Խաղալիքների պատրաստման ընթացքում կաշխատենք սոսնձով, փայտիկներով` զուգահեռ զարգացնելով մանր մոտորիկան, երևակայությունը, ստեղծագործ միտքն ու ձեռք կբերենք ճիշտ հաղորդակցման , թիմով աշխատելու հմտություններ։
Մտահղացումը` Մարինե Մկրտչյանի
Արդյունքը` Այստեղ