Հարցազրույց, որից հետո իմ մեջ առաջացան երկակի զգացողություններ։ Իհարկե, ցանկացած ժամանակներում փոփոխությունները դժվար են կատարվում, ընդունվում։ Մարդկության ի հայտ գալուց հետո մարդն անընդհատ ձգտել է կատարելագործվելուն, ավելի կիրթ լինելուն։ Դարերի անցումը՝ Քարե դար, Բրոնզի դար, Երկաթի դար, իսկ հիմա էլ կարծես թե գիտության, տեխնոլոգիայի, գիտության դարաշրջան է։ Իհարկե, տեխնիկայի, գիտության, տեխնոլոգիայի զարգացումը, ինքնակրթությամբ զբաղվելը միմիայն դրական է։ Բայց թողնել, որ ամբողջությամբ ուսուցումը լինի ինքնակրթությամբ, փոքր-ինչ անընդունելի է։ Ժամանակի ընթացում տեխնիկայի զարգացումը հիանալի է, սակայն դրա հետ միասին պետք է զարգանա, կատարելագործվի մարդը։ Հակառակ դեպքում աշխարհում կգերիշխեն ռոբոտներն ու համակարգիչները։