Ճանաչում ենք երկրաչափական պատկերները
Բովանդակություն՝
Մարդն էկոհամակարգի մի մասն է կազմում։ Մարդիկ ապրում են բնության մեջ, օգտվում ջրից, օդից ու հողից, շփվում կենդանիների հետ։ Սակայն մեզ շրջապատող աշխարհն իրենից բարդ համակարգ է ներկայացնում։ Փոքրիկ երեխաները շրջապատին այլ աչքերով են նայում և շրջակա միջավայրն այլ կերպ են ընկալում։ Ծանոթանանք և ճանաչենք երկրաչափական պատկերները շրջակա միջավայրի միջոցով։
Տեսակը՝ Կրթահամալիրային, խմբային, ճանաչողական, ուսուցողական, էկոլոգիական, մտածողական։
Նպատակը՝
Այս նախագծի նպատակն է երեխաներին սովորեցնել կատարել խմբակային աշխատանքներ, օգնել միամյանց։ Դա նպաստում է, որպեսզի երեխաների միջև զարգանա շփումը, իրար հետ հեշտ համագործակցելը։ Ինչպես նաև, նախագծի կարևորագույն նպատակներից մեկն է երեխաներին սովորեցնել երկրաչափական պատկերները, դրանց միջոցով ծանոթանալ շրջակա միջավայրին։ Եվ ամենակարևորն այն է, որ այս ամենը ի կատար ածվի ուրախ, աշխույժ մթնոլորտում, խաղերի միջոցով։
Խնդիրներ՝
- Ճանաչել երկրաչափական պատկերները
- Ճանաչել գույները
- Տարբերել ըստ չափսի. մեծ, փոքր
- Խմբավորել ըստ ձևի, չափի, գույնի
- Երկրաչափական պատկերներից պատրաստել կենդանիներ, միջատներ, առարկաներ
- Մանր պատկերների միջոցով երեխաների մոտ զարգացնել ձեռքերի մանր մոտորիկան
- Մտածել, գուշակել հանելուկներ
- Մեզ շրջապատող միջավայրում գտնել, տարբերել երկրաչափական պատկերներով իրերը, առարկաները։
- Ճիշտ օգտվել մկրատից, ինքնուրույն կտրել պատկերները և սոսնձի միջոցով ստանալ պատկերներ։
Տևողությունը՝ Կարճաժամկետ
Վայրը՝ Հարավային դպրոց-պարտեզ
Մասնակիցներ՝ Երկարացված օրվա ճամբարականներ
Արդյունքը՝
Երկրաչափական պատկերներից պատկերներ ստանալն անասելի հետաքրքիր զբաղմունք է, որի շնորհիվ երեխաների մոտ զարգանում են հետևյալ հմտությունները.
- Մտածողական մոտորիկան
- Ստեղծագործական երևակայությունը
- Գեղարվեստական ճաշակը
- Տեսողական մոտորիկան
- Գույների ճիշտ ընկալումը
- Ուշադրության կենտրոնացում
Նարե Միրզոյան 